VIDEO: Déi bescht Lëtzebuerger Videoclippen„Paprika“ vun "No Metal in this Battle" huet gewonnen

Weider gouf "Olivia" vun Austinn mam stART-up Award an de Prix du Public war fir de Brebo mat "6 Stunden".

Fir déi 5. Kéier organiséieren d’Rockhal an hire Rocklab d’Video Clip Awards, kuerz VCAs, fir déi beschte Lëtzebuerger Videoclippen auszezeechnen.

Video Clip Awards (20.11.2017)
Ausgezeechent gouf "No Metal in this Battle", "Austinn" an de "Brebo"


Museksvideoe sinn an der Tëschenzäit net méi aus der aktueller Musekswelt ewechzedenken a si fir d'Bands an d'Artiste méi wéi jee virdrun essentiell, fir hir Musek ze promovéieren. Dofir hunn d'Rockhal an hire Rocklab d'Video Clip Awards an d'Liewe geruff, fir all Joer déi beschte Lëtzebuerger Video Clippen auszezeechnen.

Dës Awards sinn all Joers am Kader vun der Sonic Visions Music Conference, mat der Ënnerstëtzung vum stART-up Fund vun der Œuvre Nationale de Secours Grande-Duchesse Charlotte, der Sacem Lëtzebuerg, dem CNA, Eldoradio an RTL.

De Gewënner vum stART-up Award ass de Cedric Letsch fir d'Lidd Olivia vun der Band Austinn



De Best Music Video esou wéi och de Jury Award sinn u Paprika vun der Band No Metal in this Battle vum Gwenael François gaangen.



Op RTL.lu an Eldoradio.lu konnt ee fir säi Favorit voten.

De Prix du Public 2017 geet un: Brebo mat sengem Clip 6 Stunden, dat vum Kevin Risch produzéiert gouf.



Felicitatiounen!



 

Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.