Schëss zu BounewegAutopsie um Freideg no déidlechem Tëschefall

Géint 16 Auer koum et e Mëttwoch zu engem déidlechen Tëschefall zu Bouneweg, wéi en Automobilist ugeschoss gouf, well hien e Beamte wollt iwwerrennen.

Bouneweg: Den Dag duerno (12.04.2018)
Géint 16 Auer koum et e Mëttwoch zu engem déidlechen Tëschefall zu Bouneweg, wéi en Automobilist ugeschoss gouf, well hien e Beamte wollt iwwerrennen.

De Vic Reuter iwwer d'Schëss zu Bouneweg



Bei enger regulärer Kontroll um leschte Steiwer wollt sech den Automobilist duerch d'Bascht maachen. Dobäi huet hien op e Polizist, deen aus sengem Auto geklomme war, fir de Mann unzehalen, duergehalen. De Beamten huet vu senger Déngschtwaff Gebrauch gemaach an op de Mann, deen eleng a sengem schwaarze Mercedes souz, geschoss. Zeie hu vun 3 bis 4 Schëss geschwat.

De Chauffeur gouf vun op d'mannst enger Kugel getraff, huet doropshin d'Kontroll iwwer säi Gefier verluer, ass laanscht d'Mauer vun engem Haus geschruppt an an e Bam gerannt. Op der Place Léon Xlll war d'Flucht domadder eriwwer.

Kaart Bouneweg (11.04.2018)
Op dëser Plaz koum et e Mëttwoch de Mëtteg zum Tëschefall


Den Automobilist ass am Laf vum Nomëtteg u senge Blessure gestuerwen. De Parquet gouf op d'Plaz geruff an huet d'Generalinspektioun vun der Police mat den Ermëttlungen beoptraagt. Och d'Spuresécherung war op der Plaz.



Bis virun 18.30 Auer hunn d'Beamten d'Gefier vum Mann, dee bis elo nach net identifizéiert konnt ginn,  nach net duerchsicht.




D'Inspection générale vun der Police huet d' Enquête iwwerholl an et si keng Informatiounen ze kréien, just dës: de Mann am Mercedes wier der Police bekannt gewiescht, ouni weider Präzisiounen. D'Identitéit vum Chauffeur deen ëm d'Liewe koum, gëtt e Freideg a leschter Instanz duerch eng Autopsie gekläert. Ewéi och d'Doudesursaach vum Mann a säi kierperlechen Zoustand virum Incident.

Op der Kräizung vun der Ardenne-Strooss an der Rue Sigismond, nëmmen eng honnert Meter vun der Bouneweger Kierchplaz ewech, huet een haut nach d'Markéierunge vum Miess- an Erkennungsdéngscht gesinn.

Een Dag nom Virfall zu Bouneweg - Wat ass gewosst?

En Aarbechter, deen 3 Meter nieft der Zeen geschafft huet, beschreift awer wat hie gesinn huet:

En Zeie beschreift wat hien deen Dag zu Bouneweg gesinn huet


''Et ware vill Policeween hannert dem verdächtegen Auto hier''. Aus dem Gruef eraus hätt de Mann gesinn, dass de verdächtege Won scho getéitscht a mat héijer Vitesse aus der Ardenne-Strooss komm wier. E Policewon, deen aus der Rue Sigismond komm wär, hätt den Auto wëlle stoppen. Matzen an der Kräizung wär den Auto bal mat der Patrull kollidéiert. Déi zwee Policebeamten wären dem Zeien no erausgeklomm. Een hätt de Chauffer mat gezunnener Pistoul opgefuerdert, stoenzebleiwen. Wéi den Zeie beschreift, hätt de Chauffer doropshin, verschweesst a ganz bleech am Gesiicht, de Réckgang agemaach, fir Ulaf ze huelen, an hätt du staark a Richtung vum Beamten acceleréiert. Dësen hätt dunn eng éischte Kéier duerch de Pare-Brise geschoss, an dunn nach zweemol an d'Säit vum Won. Deen hätt en anere Won evitéiert, wär an d'Mauer vun engem Haus gerannt an du schlussendlech an de Bam op der Kiercheplaz gerannt.

Communiqué du parquet de Luxembourg concernant l'intervention policière hier à Bonnevoie

(12.04.2018)

Précisions quant au déroulement des faits : une patrouille de police était présente hier à Bonnevoie pour un contrôle de routine dans un tout autre contexte. Peu après 16 heures un chauffeur a attiré l’attention des agents de police au Dernier Sol de par sa façon de conduire et par l’aspect extérieur de sa voiture qui n’était pas conforme aux exigences du code de la route (voie déréglée et plaques minéralogiques fixées de façon aléatoire). Le chauffeur, tentant visiblement d’échapper au contrôle de police, a percuté un autre véhicule garé rue des Ardennes le long du parking de la piscine et essayait de prendre la fuite. C’est au niveau du croisement de la rue des Ardennes avec la rue Sigismond qu’un agent de police, descendu de sa voiture de service  a donné des signes clairs au chauffeur de s’arrêter.

Il n’a pas obtempéré, il a d’abord fait marche arrière pour ensuite foncer en marche avant en direction de l’agent de police.

Ce dernier a fait usage de son arme de service (loi du 28 juillet 1973 réglant l’usage des armes et autres moyens de contrainte par les membres de la force publique dans la lutte contre la criminalité) et il a touché le chauffeur. Comme déjà relaté  hier dans le bulletin de presse de la police, par la suite l’homme a perdu le contrôle de sa voiture, a percuté la façade d’une maison, pour finir sa course contre un arbre sur la Place Léon XIII. Le chauffeur est décédé peu de temps après de la suite de ses blessures.

Selon des témoins il y aurait eu trois coups de feu, ce que l’enquête en cours devra vérifier.

Afin de confirmer l’identité du chauffeur et les causes exactes de sa mort, le parquet a requis une autopsie qui sera pratiquée demain.

L’inspection générale de la police poursuit l’enquête dont elle a été chargée par le parquet.



Zu Bouneweg war e Mëttwoch den Owend eng ganz Zäit laang nach en Helikopter iwwer dem Tatort an der Luucht. Aus dem Helikopter eraus si Fotoe vun der Platz gemaach ginn, déi mat fir Opklärung suerge sollen.

De Polizist, dee geschoss hat, ass RTL-Informatiounen no manner ewéi ee Joer am Déngscht. Hie stéing den Ament ënner Schock a wär och krankgeschriwwen.