Mat enger audaciéiser Performance huet déi Lëtzebuerger Artistin Deborah De Robertis am Musée d'Orsay op sech opmierksam gemaach ... a sech filme gelooss.

Den 29. Mee huet sech déi jonk Kënschtlerin virum bekannte Wierk "L'origine du monde" vum Gustave Courbet, dat dat weiblecht Geschlecht weist, op de Buedem gesat an hiert Geschlecht gewisen - à l'instar vum Courbet sengem Model viru bal 150 Joer, de berüchtegten Tableau ass vun 1866.

Laang huet d'Performance awer net gedauert, well och wann eng Partie Visiteure vum Musée geklatscht hunn, d'Sécherheetspersonal vum Musée zu Paräis un der Seine huet d'Aktioun net witzeg fonnt. Eng Fra huet sech virun d'Artistin gestallt, fir hir Anatomie ze verstoppen, eng aner huet de Sall evakuéiert.

Internationale Medien no hätt de Musée zwar eng Plainte gemaach, ma dono wier d'Saach awer ouni Suitte klasséiert ginn.

D'Aktioun gouf och gefilmt - e Video, deen Eenzelner als explizit empfanne kënnen. Vu Youtube gouf en erofgeholl, op aner Sitten ass en awer nach ze fannen (z.B. op dailymotion mat Altersbeschränkung).

Video vun der Performance (vu 16 Joer un)

An engem Interview mat France tv info seet d'Artistin op d'Fro, ob si mat hirer Aktioun dem Bild "L'Origine du monde" e Gesiicht wollt ginn:

C'est difficile à résumer en quelques mots. Je prête mon visage à L'Origine du monde, mais surtout ma voix. Dans la bande-son, je dis que "je suis toutes les femmes". C'est symbolique. Et c'est une démarche réfléchie sur la question de la censure aussi. Gustave Courbet a fait scandale avec L'Origine du monde à son époque (1866). Ces gardiennes qui tentent de me cacher, c'est comme voiler un tableau. Et cela fait partie de la performance. J'avais prévu cette hypothèse, comme j'avais envisagé l'inverse. Il n'y avait pas d'échec possible.

An ob den Exhibitionismus-Virworf ugeschwat seet d'Deborah De Robertis:

Sur la définition légale de l'exhibitionnisme, je pense que les lois ne s'appliquent pas à cet acte. Il s'agit d'une œuvre d'art, réfléchie depuis au moins huit ans. Cela n'a rien à voir avec de l'exhibitionnisme, ce n'est pas un acte impulsif. C'est mon regard d'artiste qui compte. L'exhibitionnisme ne parle de rien, ce n'est pas un acte de création.

RTL

© AFP