PirateparteiSven Clement als President confirméiert

E Sonndeg hat d'Piratepartei hire Landeskongress zu Bieles.

© Anne-Sophie Heck
Et misst ee sech méi géint d'Ongläichheeten zu Lëtzebuerg asetzen. Dat huet de President vun der Piratepartei Sven Clement e Sonndeg um Landeskongress gesot. D'Piraten hunn hire Programm fir d'Chamberwahlen ugekënnegt. D'Haaptuleies: eng Partei fir jidderee sinn, ouni iergendeen auszeloossen. Et bräicht een eng Politik fir d'Mënschen a mat de Mënschen, esou de Sven Clement.

De Sven Clement (1)



Virun allem politesch Debatte missten an Zukunft méi accessibel gemaach ginn. Dorunner missten och d'Pirate selwer schaffen.

De Sven Clement (2)



Och bei der Digitaliséierung gesäit d'Piratepartei e Problem. D'Digitaliséierung misst besser begleet ginn, sou nach de Sven Clement, zum Beispill mat méi Formatiounen.

Deen neie Präsidium vun de Piraten


Nieft dëse Visioune fir d'Chamberwahlen - e bessert Zesummeliewen, manner Ongläichheeten a Politik an Digitaliséierung besser verstoen - gouf um nationale Kongress och nach een neie Presidium gewielt:

Do gouf de Sven Clement als President vun der Partei confirméiert.

De Vizepresident Camille Liesch gëtt vum Daniel Fréres ofgeléist.

Neie Generalsekretär gëtt de Marc Goergen.

Och nach am Presidium: Lucie Kunakova, Ben Allard a Starsky Flor (Conseiller vu Péiteng).

Landeskongress vun der Piratepartei: Rep. Anne-Sophie Heck





Communiqué vun de Piraten

Piratepartei mat staarkem Personal an Chamberswahlen

Um Kongress zu Bieles goufen haut bei der Piratepartei bis op de Sven Clement, Mandatsträger erneiert. Dëst fir méiglechst staark an Chamberswahlen 2018 ze goen, sou goufen béid Conseilleren Daniel Fréres als Vizepresident an den Marc Goergen als Generalsekretär gewielt. Béid koumen an hiren Gemengen op excellent Resultater an déi Konzepter wäerten elo fir Chamberswahlen ugewannt ginn. Piraten stinn fir eng oppen Gesellschaft, fair, modern an Transparent. Dëst wäert eise Message fir den nächsten Oktober sinn, wou d'Partei sech landeswäit erwaart an Chamber anzezéien.

Als Trésorier gouf den erfuerenen Yvon Dostert gewielt, deen an de vergaangenen Joren als Sekretär an der Partei täteg war, an soumat beschtens weess wei Sektiounen opgestallt sinn.

Um Kongress gouf en neien Präsidium, deen aus den verschiddenen Bezierker besteet, gewielt. Sou well Partei, déi fir een gemeinsamen Wahlbezierk asteet, och schonn mat deem Konzept an déi nächst Wahlen goen. Als weider Memberen vum Präsidium goufen des Weideren d'Lucie Kunakova, den Ben Allard an de Starsky Flor (Conseiller zu Péiteng) gewielt.

Dräi vu véier Spëtzekandidaten fir Chamberwahlen goufen och bekannt ginn, Equipe vun 4, féiert de Sven Clement als nationalen Spëtzekandidat un, gefollegt vum Marc Goergen fir den Süden, den Daniel Fréres fir den Osten an den Norden muss nach hiren Bezierkskongress ofwaarden. Soumat gesäit Partei sech optimal opgestallt, fir en gutt Resultat an den nächsten Chamberswahlen.
Am Wanter wäerten Memberen op verschiddenen Kongresser hiren Wahlprogramm fir Zukunft vun eisem Land wielen, als Basisdemokratesch Partei kennen soumat Memberen wierklech entscheeden, wei de Programm wäert ausgesinn. Ier am spéiden Fréijoer dann, Kandidaten op engem Kongress wäerten gewielt ginn.

"Et revoltéiert mech" (10.12.2017)
Eng Ausso vum neien an ale President vun de Piraten op hirem Landeskongress.


Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.