VIDEO: Schi AlpinEen Dag mam Matthieu Osch am Internat an op der Piste

De Matthieu Osch konnt sech bis ewell als eenzege Lëtzebuerger fir d'Olympesch Wanterspiller 2018 qualifizéieren. RTL Télé huet hien zu Saalfelden besicht.

Portrait vum Matthieu Osch (16.11.2017)
De Matthieu Osch konnt sech bis ewell als eenzege Lëtzebuerger fir d'Oympesch Wanterspiller 2018 qualifizéieren. RTL Télé huet hien zu Saalfelden besicht.
De Matthieu Osch, en Alpin-Schileefer aus dem Flaachland, dee säi Studenteliewe wäit ewech vun doheem am Grëff huet. Fir de Matthieu Osch war de Wiessel vum Sportlycée um INS op Saalfelden an de Schigymnasium keng gréisser Ëmstellung.

Den Dag vum Matthieu Osch fänkt moies um 8.15 Auer un. Do steet déi éischt Mise en train um Programm. Ier et dann op de Bierg geet, gëtt nach emol mam Trainer gekuckt, wat et ze verbessere gëllt.

Ma am Ufank vun der Saison muss dem Matthieu Osch säin Trainingsgrupp dem Schnéi entgéint fueren. Eng 50 Minutten Trajet bis op d'Kitzsteinhorn, do wou nach um Schnéi vum leschte Wanter gefuer gëtt. De Schnéi gëtt hei iwwert de Summer an den Hierscht mat Hëllef vu Stiroporsplacke konservéiert, fir en da fir déi nei Saison nees auszepaken. 

De Matthieu Osch trainéiert am Grupp FIS 2, deen eng 10 Leefer regruppéiert. D'Course gi vun deene Responsabelen aus dem Schigymnasium festgeluecht, an deen 18 Joer alen Athlet aus dem COSL-Promotiounskader gëtt da vun der Federatioun ugemellt.

An de leschte Méint huet de Lëtzebuerger zu Saalfelden am Internat grouss Progrèse gemaach. D'Belounung war, dass de Matthieu Osch an 3 Méint d'Kritäre vum COSL fir d'Wanterspiller 2018 a Südkorea zweemol ënnerbueden huet. Ob hien um Enn däerf deelhuelen, weess hien nach net. Den Ok vum COSL feelt nämlech nach.



Äre Commentaire


D'Commentairë gi gelueden, ee Moment w.e.g.!
Sollten se net geluede ginn, hutt der wahrscheinlech een AdBlocker laafen, deen se blockéiert. Dir misst en dann sou astellen, dass en eisen Site net méi komplett blockéiert.