VIDEO: Plaz fir 24 LeitNei Struktur fir Autisten zu Rammerech opgaangen

A Präsenz vun der Grande-Duchesse Maria Teresa gouf en Donneschdeg de Mëtteg deen neie Foyer ageweit.

Neie Foyer fir Autisten zu Rammerech opgaangen (28.09.2017)
24 Persoune mat Autismus kënnen hei wunnen a schaffen.
Am Juni 1996 gouf d'Fondatioun Autisme hei zu Lëtzebuerg gegrënnt. Et waren, wéi sou dacks, betraffen Elteren, déi sech fir esou eng Associatioun staark gemach hunn. Mëttlerweil ginn et a 4 verschiddene Stied Ariichtunge vun der Fondatioun, déi sech ëm Leit mat Autismus bekëmmert.

A Präsenz vun der Grande-Duchesse Maria Teresa gouf en Donneschdeg de Mëtteg deen neie Foyer ageweit. 2010 huet de Projet vum Familljeministère gréng Luucht kritt. D'Käschte ginn zu 70 Prozent vum Ministère gedroen. De Gesamtkäschtepunkt beleeft sech op ronn 5 Milliounen Euro. 24 Leit kënnen am neie Foyer wunnen a schaffen.

De Personalschlëssel beleeft sech op eng 15 Leit. Dëst sinn an éischter Linn Educateuren, doniewent schaffen nach ënnert anerem Psychologen an Ergothérapeuten zu Rammerech.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.
 

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.