Ronn 58 Prozent vun de Befroten hu sech fir e Verbuet vun Diesel-Autoen a Stied ausgeschwat.

Eng Majoritéit vun den Däitsche fënnt Verbueder fir al Diesel-Autoen a Stied richteg. An enger Ëmfro vun Emnid, déi fir d'Bild am Sonntag gemaach gouf, schwätze sech 58% vun de Leit déi gefrote goufe fir esou eng Mesure aus.

78% vun de Leit soten iwwregens, si géinge sech an nächster Zäit keen Diesel-Auto kafen. Vun de Leit, déi schonn en Dieselgefier hunn, géife 37% sech ëmdecidéieren.