Jorelaang sinn d'Zich aus der Serie 2000 op de Schinne vun der Lëtzebuerger Bunn gefuer. E Samschdeg war dann déi offiziell lescht Faart vun den Z2-Zich.

E Samschdeg sinn d'Zich mat den Nummeren "2009" an "2022" déi lescht Kéier um Zuchreseau vun den CFL gefuer. Domat wier et dann och de leschten Trajet vun der 2000er Serie op de Lëtzebuerger Schinne gewiescht, wéi d'CFL e Samschdeg op Facebook matdeelen. Am Ganzen haten d’CFL 22 Zich vun der Serie 2000.

Déi lescht Faart vun den Zich „2009 an „2022“ war e Samschdeg am Nomëtteg tëscht der Stad an Dikrech. D‘Waggone ware fir déi lescht Faart gutt gefëllt.

E Méindeg kënnt e komplette Reportage mat Reaktiounen a Fotoen zu der leschter Faart vun den Z2-Zich op RTL.