VIDEO: Gemeng PéitengÉischt Lëscht vun "Déi Konservativ"

De fréieren adr-Politiker a Gemengeconseiller Joe Thein trëtt zu Péiteng mat enger neier Partei an enger neier Lëscht un.

Identitéitspolitik, Patriotismus, Lëtzebuerger Kultur, mä och d'Lutte géint Kriminalitéit, Sécherheet an d'kommunal Autonomie wat d'Flüchtlingspolitik ugeet - mat deem Wahlprogramm geet d'politesch Formatioun "Déi Konservativ" an d'Wahlen.

Déi Konservativ sinn eng nei Partei, déi vum Joe Thein gegrënnt gouf, nodeems de jonke Politiker aus der adr ausgeschloss gouf. Hannergrond war jo en ëmstriddene Post op Facebook, wou indirekt dem Ausseminister Asselborn dee selwechten Doud wéi dem US-President JF Kennedy virausgesot gouf. Dee "Post" hat den Thein deemools geliked.

Mat senger neier Partei wëll de 26 Joer ale Joe Thein dann och a senger Gemeng Péiteng mat aneren 16 Kandidaten am Oktober an d'Course fir d'Gemengewahlen goen. Eng zweet Lëscht fir eng weider Südgemeng ass an der Maach. Zu Péiteng gouf en Donneschdeg d'Kandidate-Lëscht presentéiert.

De Joé Thein



"Déi Konservativ" wëlle sech dann och, egal wéi elo d'Gemengewahlen ausginn, an de Chamberwahlen, mä och beim Verfassungsreferendum positionéieren.

PDF: D'Kandidatelëscht fir Péiteng vun déi Konservativ

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.