FOTOEN A VIDEOEN - Dramatesch BillerNo Reen an Iwwerschwemmungen: Opraumaarbechte gi weider

Wéinst dem ville Reen an der Nuecht op e Freideg an um Freideg selwer koum et op ville Plazen am Land zu ganz uergen Iwwerschwemmungen.

Obwuel et an der Nuecht op e Freideg op ganz ville Plazen am Land zu schlëmme Wiedere mat ganz vill Reen koum, waren e puer Plaze besonnesch uerg getraff ginn: De Mëllerdall an de Grondhaff, awer och Waldbëlleg a Konsdref hunn zu den am schlëmmste betraffe Plazen am Grand-Duché gehéiert. Awer och zu Bartreng, am Pafendall a méi spéit zu Greiweldeng a Lenneng koum et zu dramateschen Iwwerschwemmungen. Och laanscht Our a Sauer war am Laf vum Freideg "Alarm" ausgeléist ginn. Un der Sauer war d'Situatioun ugespaant, well bei Bitburg e Staudamm op eemol huet musse méi Waasser erausloossen - zu enger "Flutwell", déi op der soziale Reseau fir ganz vill Gespréich gesuergt hat, ass et awer net komm.

RTL-NEWS: Waasser aus Stauséi bei Bitburg ofgelooss - Kee Risiko vun enger Flutwell, erwaarte Pegel zu Rouspert 5-6 Meter.

An et ass awer - op d'mannst emol bis elo - keng Persoun blesséiert ginn.

Héichwaasser op ville Plazen am Land, Regierung hëlleft (01.06.2018)
Wéinst dem ville Reen an der Nuecht op e Freideg goufe beim 112 iwwer 100 Appelle registréiert, besonnesch aus dem Raum Mëllerdall a Waldbëlleg.


Beim 112 goufen iwwer 100 Appelle registréiert, virun allem aus dem Raum Mëllerdall.

Greiweldeng vun uewen© Pascal Gregorius


De Premier Minister Xavier Bettel an den Inneminister Dan Kersch waren e Freideg de Moien op der Plaz an haten e Freideg de Mëtteg op enger Pressekonferenz du matgedeelt, dass am Regierungsrot decidéiert gouf, eng Direkthëllef vun am Ganzen 30 Milliounen Euro ze deblockéieren, fir d'Affer vun de schroen Iwwerschwemmungen, deemno fir Privatpersounen a Betriber. 



Och de d'groussherzoglech Koppel huet sech een Androck vun der Zerstéierung gemaach.


Ufank Juni ass och den Ufank vun der Touristesaison am Mëllerdall. Iwwer 150.000 Leit kommen all Joer an d'Regioun, virun allem fir ze spadséieren. Genee dofir hunn sech den CIGL an den Aarbechtsministère zesumme gedoen, fir 20 Leit, déi den Ament keng Aarbecht hunn, anzestellen, fir d'Brécken an d'Weeër ze flécken.

Iwwer d'Cellule de Crise gouf dann och d'Arméi an d'Regioun geschéckt, zwee Pelotone mat am Ganze 40 Zaldote sinn am Mëllerdall am Asaz.





Privatleit, déi duerch d'Iwwerschwemmunge séier an onkomplizéiert Hëllef brauchen, kënne beim Familljeministère ee Formulaire ausfëllen.



Bei esou Katastrophe stellt sech jo ëmmer d'Fro, wie fir de Schued opkënnt: Iwwerhëlt d'Assurance bei Naturkatastrophen? Wat gëtt iwwerholl? Zanter Juli zejoert bidden d'Lëtzebuerger Assurancen een neie Produit un, grad wéinst Iwwerschwemmungen.

Wie bezilt bei den Iwwerschwemmungen? (01.06.2018)
Marc HENGEN - Assurancen-Associatioun ACA


Eng 20.000 Leit hunn des Versécherung bis ewell ofgeschloss. Et hänkt natierlech vum eenzele Kontrakt of, wat elo vu Schued rembourséiert gëtt.

Point de Presse wéinst den Iwwerschwemmungen (01.06.2018)
De Premier Xavier Bettel an den Inneminister Dan Kersch hunn éischt Mesuren annoncéiert.


Opgrond vun de Schied, déi duerch d'Héichwaasser an der Gemeng Bäerdref entstane sinn, huet d'Gemeng um Samschdeg tëscht 14 an 18 Auer Containeren zur Verfügung gestallt, nieft de Gemengenatelieren am Centre Maartbësch. An och nach e Méindeg de ganzen Dag vu 7 bis 16 Auer, wou d'Leit alles kënnen hibréngen, wat se wëlle fortgeheien.

De Schäfferot vun der Gemeng Waldbëlleg deelt sengen Awunner mat, dass e Sonndeg de Moien, 3. Juni vun 10 bis 12 Auer Waasserfläsche am Hangar bei der Schoul zu Waldbëlleg verdeelt ginn. 

Massive Schued, verzweiwelt Awunner
Um Freideg de Moien huet sech de Fokus virun allem op de Mëllerdall an op de Grondhaff geriicht. Do waren d'Zerstéierungen enorm.

Iwwerschwemmungen am Mëllerdall / Reportage Eric Ewald



Iwwerschwemmungen am Mëllerdall (01.06.2018)
Wéinst dem ville Reen an der Nuecht op e Freideg goufe beim 112 iwwer 100 Appelle registréiert, besonnesch aus dem Raum Mëllerdall a Waldbëlleg.


De CGO, de Centre de Gestion des Opérations, gouf an der Nuecht op e Freideg um 3 Auer aktivéiert, fir di eenzel Asätz ze koordinéieren. Géint 5 Auer koum d'Krisecellule vun der Regierung beieneen.


De Premier Xavier Bettel an de Minister Dan Kersch waren e Freideg de Moien op der Plaz, fir sech en éischten Androck ze maachen a fir mat de Betraffenen ze schwätzen.

"Et ass beandrockend an dramatesch, wat geschitt ass! Et si keng schéi Biller, si erënneren un déi zejoert aus dem Ärenzdall!" Mat deene Wierder hunn de Premier an den Inneminister e Freideg de Moien am Mëllerdall op déi schro Wiedere reagéiert an d'Schied, déi dës an der "klenger Lëtzebuerger Schwäiz" hannerlooss hunn. Déi zwee Regierungsmembere wollten engersäits de Rettungsdéngschter Merci soe fir dat, wat si geleescht hunn, an awer och de Leit, déi Schued hunn, soen, dass si net eleng sinn.

De Xavier Bettel

Hie wär net Spezialist, fir driwwer ze decidéieren, ob een am Fall vun enger Naturkatastroph ass: "Hei hu mer et awer sécher mat enger Katastroph ze dinn a mir musse kucken, wéi mer am séiersten an onkomplizéiertsten hëllefe kënnen", sou nach de Staatsminister.

Den Inneminister huet iwwerdeems betount, dass d'Verzweiwlung déi selwecht wär an de Gesiichter vun de Leit wéi 2016 am Ärenzdall.

Den Dan Kersch

Dem Minister Kersch no ginn Direkthëllefe vum Staat deblockéiert an d'Arméi huet e Freideg am Nomëtteg mat ugefaangen ze hëllefe fir opzeraumen. D'Rettungsdéngschter, deenen e grousse Merci gëlle géif, an déi Betraffen hätten déi richteg Reflexer gehat fir Leit an Nout ze retten, et wär dann och dat Wichtegst, dass kee Mënscheliewen ze bekloen ass. Et wär dovun auszegoen, dass ee mat engem bloen A dovukoum, mä dat blot A géif richteg wéi doen, wann een d'Leed vun de Leit gesäit, huet den Dan Kersch gemengt.



Eng Rei Stroossen dierften iwwerdeems nach méi laang dierfte gespaart bleiwen, esou den Inneminister.

Den CR364 tëscht Bäerdref a Beefort ass därmoossen zerstéiert, dass een dovun ausgeet, dass d'Strooss bis zu engem Joer zou bleift.

Och d'Ëmweltministesch Carole Dieschbourg war am Oste vum Land, fir sech e Bild ze maachen. E Freideg am Nomëtteg war et d'Ausso, datt ee weider an enkem Kontakt mam Waasserwirtschaftsamt géing stoen. Zu de Grënn vum Héichwaasser sot d'Ëmweltministesch, datt ee sech bewosst ass, datt et an Zukunft ëmmer méi extrem Wiederevenementer wäert ginn, als Konsequenz vum Klimawandel, an do ginn dann och u Prozedure geduecht, fir d'Schied an Zukunft esou kleng wéi méiglech ze halen.

D'Carole Dieschbourg um Mikro vum Nico Graf



Tëscheruff vum Luc Marteling: Léiwer aneren d'Schold ginn, wéi sech selwer ze änneren

Hotel Le Cigalon - devastéiert
Ganz uerg presentéiert sech d'Situatioun fir den Hotel Le Cigalon am Mëllerdall. De Schued hei ass ganz grouss. D'Proprietärin vum Hotel Rita Stoque-Kunnert huet eis um Freideg de Moien en éischte Bilan gezunn, deen dramatesch ass.

Interview mat der Propritärin vum Hotel Le Cigalon





Mëllerdall, Grondhaff, Stroossen-Infrastruktur ...


Och Waldbëlleg louch am Zentrum vun där Wiederzell, déi esou vill Leed a Schued mat sech bruecht hat.

Iwwerschwemmung zu Waldbëlleg (01.06.2018)
Zu Waldbëlleg dierf den Ament kee Waasser vum Krunn gedronk ginn, d'Pompel gouf iwwerschwemmt.


Waldbëlleg an der Nuecht op e Freideg (01.06.2018)
.

18 Persounen hunn d'Rettungsdéngschter an der Nuecht op e Freideg mussen a Sécherheet bréngen. Duerch d'Iwwerschwemmunge souzen op engem Camping am Mëllerdall eng Partie Leit fest. Si hu mussen evakuéiert ginn, 1 Persoun hat sech op engem Bam a Sécherheet bruecht. An engem Haus um Grondhaff souzen och Leit fest. Si hunn d'Rettungsdéngschter alarméiert a goufen evakuéiert.

Heringer Millen© Domingos Oliveira


Den Direkter vun der Administration de Secours Paul Schroeder sot um Freideg de Moien am Interview, dass et deene betraffene Leit gutt geet. Si goufen am Zenter zu Iechternach ënnerbruecht. Vermësst gouf de Moie bis 7 Auer keen. De Paul Schroeder geet dovun aus, dass et keng Victimme ginn.

De Point mam Paul Schroeder um 7 Auer.



Natierlech hat dee ville Reen och en Impakt op d'Stroosseninfrastruktur ...

Aquaplaning (01.06.2018)
.


Tëscht Bettel an Héischdref gouf et en Äerdrutsch, grad sou wéi tëscht Waasserbëlleg an Iechternach. Op ganz ville Plaze louche Beem an der Strooss.

Heringer Millen (01.06.2018)
.


Zu Beefort gouf d'Coupe Scolaire ofgesot a wéinst dem Héichwaasser ass d'Mass an der Muttergotteskapell zu Iechternach, de Samschden ëm 17.30 Auer ausgefall.

Den Dag dono: D'Waasser huet ganz vill Schied ugeriicht (02.06.2018)
Wéinst dem ville Reen an der Nuecht op e Freideg an um Freideg selwer koum et op ville Plazen am Land zu ganz uergen Iwwerschwemmungen.


Um Freideg: Südoste mat Greiweldeng ...
E Freideg am Nomëtteg hat et am Süd-Oste vum Land nach massiv gereent. Och op der Musel hunn d'Leit dowéinst den Ament mam Héichwaasser ze kämpfen. D'Regioune Waasserbëlleg, Greiweldeng, Mutfert a Siren sinn am beschten ze evitéieren.

Dat villt Waasser huet dozou gefouert, datt et zum Beispill zu Greiweldeng zu gréisseren Iwwerschwemmunge komm ass.

Iwwerschwemmungen zu Greiweldeng (01.06.2018)
Fotoen a Video-Biller vun der Plaz


Um Freidegowend: Iwwerschwemmunge laanscht d'Our
Duerch de ville Reen sinn och d'Pegele vun der Our am Laf vum Freideg geklommen. Och hei ass et zu Iwwerschwemmunge komm. Betraff war ënnert anerem nees de Café-Camping "Vieux Moulin" zu Uewereesbech.

Hei war et am Februar 2017 wéinst de kalen Temperaturen schonn emol zu uergen Iwwerschwemmunge komm. Nodeems de Reen an d'Temperaturen nees am Plusberäich waren, hat de sougenannten Äisgang agesat. Déi déck Äisbléck hate sech geléist an hate sech wéinst deene ville Beem regelrecht aneneeverkeilt. Doduerch hat d'Waasser sech en neie Wee gesicht an de Groussdeel vum Camping zu Uewereesbech stoung ënner Waasser.

RTL-NEWS: Uewereesbech ... oder Arktis? Iwwerschwemmung an Äis um Camping "Vieux Moulin"

Inondatiounen an der Stad: Pafendall

Am Pafendall war d'Situatioun och dramatesch. De Laurent Gillander vu Radio Lëtzebuerg huet do mat den Awunner geschwat.

Temoignage aus dem Paffendall (1)


Temoignage aus dem Paffendall (2)



33 Asätz goufen eleng an der Stad wéinst deem ville Reen an de leschte Stonne gezielt. Eng 80 Pompjeeën a Leit vun deenen zoustännege Gemengeservicer waren dann och am Dauerasaz fir ënnert anerem d’Kelleren auszepompelen. De Pafendall an de Cents war déi Plaze wou d’Leit am meeschte betraff waren ...

Inondatiounen am Pafendall / Reportage Frank Elsen



Wéinst deem heftege Reen an der Nuecht gouf am Pafendall een Deel vun der Lougaass iwwerschwemmt a Kellere si vollgelaf. Dat well sech d’Waasser duerch d’Kanalisatioun no uewe gedréckt huet. An de fréie Moiesstonnen e Freideg stoung d’Waasser bis zu 1 Meter héich. Fir een Deel vun de concernéierten Awunner war et bis ewell déi 3. Kéier bannent engem Mount, dass se mam Héichwaasser confrontéiert waren. Ënnert anerem, well d ‘Kanalisatioun et net méi aushält.

Am spéide Freideg de Moie war de Gros vun de Kelleren ausgepompelt an de Bulli an de Stroossen geraumt. Ënnert anerem de Stater Schäfferot huet sech e Bild op der Plaz gemaach a mat den Awunner geschwat. An deem Kontext war de Mëtten an der Stater Märei dann och eng Krisesëtzung.

Och an enger Schoul um Cents ass wéinst den zolitte Wiederen d’Waasser duerch den Daach eragedrëpst. Betraff war awer just een Deel vum Gebai. Gréisser Waasserschied goufen et awer keng an deem Gebai. Plazeweis sinn an der Stad an der leschter Nuecht bis zu 62 Liter Reen op de Meter-Carré erofkomm.

Iwwerschwemmungen an der Stad: Pafendall am meeschte betraff (01.06.2018)
33 Asätz goufen alleng an der Stad wéinst deem ville Reen an de leschten Stonnen gezielt. Eng 80 Pompjeeën a Leit vun de Gemengeservicer waren am Asatz

Wéinst dem massiven Reen an der Nuecht gouf am Pafendall een Deel vun der Lougass iwwerschwemmt a Kelleren sinn vollgelaaf.

Waasserversuergung

De Schäfferot vun der Gemeng Waldbëlleg deelt sengen Awunner mat, dass, no den Iwwerschwemmunge vun e Freideg keen Drénkwaasser soll consomméiert ginn, ouni et virdrun 10 Minutten ofgekacht ze hunn. Déi néideg Analyse gi gemaach, fir dës Restriktiounen nees sou séier wéi méiglech opzehiewen.

De Schäfferot vun der Gemeng Waldbëlleg deelt sengen Awunner mat, dass e Sonndeg de Moien, den 3. Juni vun 10.00 Auer bis 12.00 Auer och Waasserfläschen am Hangar bei der Schoul zu Waldbëlleg verdeelt ginn.

Zu Bäerdref an zu Beefort sollen d'Leit spuersam mam Waasser ëmgoen. Och hei sollen d'Leit keen Drénkwaasser consomméieren, ier se et fir 10 Minutten ofgekacht hunn.

Och an der Uertschaft Bech sollen d'Leit d'Waasser ier se et drénken ofkachen. Déi aner Dierfer an der Gemeng kënnen d’Waasser normal vum Krunn huelen.

Wéinst engem Broch un der Waasserleitung zu Déiljen kann et zu Enkpäss an der Waasserversuergung zu Déiljen an um Cloosbierg kommen. D'Leit, déi nach Waasser hunn, solle spuersam domat ëmgoen.

Wéi och scho bei den Iwwerschwemmungen am Ärenzdall, ginn d'Leit ouni fléissend Waasser mat Waasserfläsche vun der Firma Beckerich versuergt.

Situation de la qualité de l’eau dans les localités sinistrées

Intempéries du 1er juin 2018 : état de la situation à 17 heures

Communiqué par: Cellule de crise du Haut-Commissariat à la protection nationale

·       Commune de Waldbillig : l’eau du robinet peut être utilisée sans restriction à des fins de consommation humaine, après avoir été bouillie pendant au moins dix minutes.

·      Communes de Berdorf et de Beaufort : il est fortement conseillé de limiter l’utilisation d’eau au strict minimum. L’eau du robinet peut cependant être utilisée à des fins de consommation humaine, après avoir été bouillie pendant au moins dix minutes.

·       Localité de Dillingen : il est conseillé de limiter l’utilisation d’eau au strict minimum. L’eau du robinet peut cependant être utilisée à des fins de consommation humaine, après avoir été bouillie pendant au moins dix minutes.

·       Localité de Closberg : l’alimentation en eau est interrompue. Un approvisionnement est assuré par les autorités.

·       Localité de Bech : l’eau du robinet peut être utilisée sans restriction  à des fins de consommation humaine, après avoir été bouillie pendant au moins dix minutes.

Dès que la qualité de l'eau sera rétablie sur base des résultats des analyses supplémentaires en cours, la population en sera informée par les autorités compétentes.


Communiquéë vum Gouvernement

Intempéries: activation de la cellule de crise du Haut-Commissariat à la protection nationale (01.06.2018)

Communiqué par: ministère d'État

Eu égard aux intempéries survenues pendant la nuit du 31 mai 2018 au 1er juin 2018, la cellule de crise du Haut-Commissariat à la protection nationale a été activée pour tout le pays.

Sous l'autorité du gouvernement, cette cellule initie, coordonne et veille à l'exécution de toutes les mesures destinées à faire face à la crise et à ses effets, respectivement à favoriser le retour à l'état normal. Elle prépare les décisions qui s'imposent et les soumet au gouvernement aux fins d'approbation.

Le Premier ministre, ministre d'État, Xavier Bettel s'est rendu dans la région sinistrée. Il tient à «remercier tous les services de secours pour leur engagement au cours de la nuit du jeudi 31 mai 2018 au vendredi 1er juin 2018». Il a ajouté que les «mesures nécessaires seront prises en coordination étroite avec la cellule de crise du Haut-Commissariat à la protection nationale».

Le Conseil de gouvernement de ce matin prendra les décisions qui s'imposeront quant aux aides directes.

Secours sociaux aux particuliers suite aux inondations du 1er juin 2018 (01.06.2018)

Communiqué par: ministère de la Famille, de l'Intégration et à la Grande Région

Après les inondations du 1er juin 2018, le gouvernement a décidé d'organiser une action de solidarité pour parer aux dépenses de première nécessité des personnes sinistrées dont la situation économique est fragile.

La demande en vue de l'obtention d'une aide sociale doit être introduite sur un formulaire élaboré à cette fin.

Les personnes concernées sont priées de télécharger le formulaire sur le site du ministère de la Famille, de l'Intégration et à la Grande Région.

https://mfamigr.gouvernement.lu/fr/le-ministere/attributions/solidarite/catastrophes-naturelles.html

Pour des informations supplémentaires, veuillez-vous adresser à la division «Solidarité» du ministère de la Famille, de l'Intégration et à la Grande Région (Tél.: 247-86523, E-mail: secretariatsolidarite@fm.etat.lu).

DEUTSCHE VERSION

Sozialhilfen für Privatpersonen aufgrund der Überschwemmungen vom 1. Juni 2018 (01.06.2018)

Nach den Überschwemmungen vom 1. Juni 2018 hat die Regierung beschlossen, eine Solidaritätsaktion zu organisieren, um die dringend notwendigen Ausgaben jener Geschädigten zu decken, die sich in einer schwachen finanziellen Lage befinden.

Der Antrag zur Bewilligung einer sozialen Hilfe muss auf einem eigens dafür entwickelten Formular eingereicht werden.

Das einzureichende Formular kann über die Internetseite des Ministeriums für Familie, Integration und die Großregion heruntergeladen werden.

https://mfamigr.gouvernement.lu/de/le-ministere/attributions/solidarite/catastrophes-naturelles.html

Für weitere Fragen, wenden Sie sich bitte an die Abteilung „Solidarität" des Ministeriums für Familie, Integration und die Großregion. (Tel.: 247-86523, E-mail: secretariatsolidarite@fm.etat.lu).


Intempéries du 1er juin 2018 : état de la situation à 18 h 50

Communiqué par: Cellule de crise du Haut-Commissariat à la protection nationale

La Cellule de crise s'est de nouveau réunie en fin d'après-midi afin d'effectuer un état des lieux supplémentaire.

Dans le contexte de la montée prévisible des eaux attendue dans le courant de la soirée, le Centre de gestion des opérations de l'Administration des services de secours a demandé aux corps locaux de prendre les mesures préventives nécessaires dans les zones à risques le long de la N10 entre Steinheim et Wasserbillig.

Des mesures ont été prises pour évacuer les campings de Rosport, de Born et de Wasserbillig.

Dans le même contexte, les zones à risque d'inondations de la N10 entre Steinheim et Wasserbillig seront fermées à toute circulation à partir de 21h00. Des déviations sont prévues par les autorités.

La Cellule de crise continue à suivre l'évolution de la situation.

© Pedro Venancio/RTL


Ugespaante Situatioun och bei däitschen Noperen
Uerg betraff vun Iwwerschwemmungen ass och de Weste vun Däitschland. Staarke Reen a Knëppelsteng hunn an der Nuecht op e Freideg e puer Gemengen am Landkrees Karlsruhe ënner Waasser gesat. Iwwer 300 Asätz goufen do gemellt. Stroossen hate sech a Flëss verwandelt an e puer Uertschafte si vum Waasser ëmzéngelt an net accessibel.


Besonnesch schlëmm ass d'Situatioun am Saarland. Der Police no koume vun 23.30 Auer un iwwer 500 Appeller an der Noutruffzentral eran, nach emol 400 bei de Pompjeeën. An den Uertschafte Kleinblittersdorf a St. Ingbert huet sech eng Waasser- a Bullislawinn duerch d'Stroosse gedréckt an huet sëllechen Autoe mat ewech gerappt. Op enger Weed hu misse 50 Päerd gerett ginn an a villen Haiser ass Mazout aus den Tanke gelaf.

Uerg waren d'Wiederen och an de Gemengen Kraichdal, Menzingen, Östringen, Bretten, Sulzfeld a Bruchsal. Well op e puer Plazen de Blëtz ageschloen ass, hu verschidden Uertschafte kee Stroum méi. Mataarbechter vun de Stroumfournisseure waren an der Nuecht am Dauerasaz.

Zu Mannheim sinn iwwer 100 Kellere vollgelaf, am Krees Rhein-Neckar 150. Ma net nëmmen d'Waasser huet d'Leit an Otem gehal, duerch hefteg Wandstéiss sinn op ville Plaze Beem ëmgefall. Ronn 200 Mol gouf dowéinst den Noutruff gewielt.

Schonn en Donneschdeg hate massiv Wiedere Chaos a groussen Deeler vun der Rheinland-Pfalz hannerlooss. D'Kanalisatioun huet dat villt Waasser net gepackt an d'Waasser koum bis zu 2 Meter nees erausgeschoss.

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.