Formel 1Lewis Hamilton gewënnt zu Singapur

De Lewis Hamilton setzt sech zu Singapur virum Max Verstappen a Sebastian Vettel duerch.

Formel 1 Lewis Hamilton gewënnt zu Singapur (16.09.2018)
De Lewis Hamilton setzt sech zu Singapur virum Max Verstappen a Sebastian Vettel duerch.
Um Sonndeg stoung de Grousse Präis vu Singapur um Programm, dee jo bekanntlech an der Nuecht gefuer gëtt. Am Däischteren kann de Lewis Hamilton déi éischt Plaz verdeedegen a seng 7. Victoire vun der Saison feieren.

Wéi och an de Jore virdrun huet et net laang gedauert bis den éischten ophale misst. Dës kéier huet et den Esteban Ocon vun der Force India erwëscht, de Fransous ass an der drëtter Kéier vu sengem Teamkolleg an d'Mauer gedréckt ginn a konnt doropshin net méi weider fueren. Zäitgläich konnt de Sebastian Vettel de Max Verstappen iwwerhuelen an eng Plaz gutt maachen, éier d'Safety Car zum Asaz koum.

Accident vum Esteban Ocon an der 1. Ronn


Nodeems de Max Verstappen aus der Box gefuer ass, war den Hollänner genau nieft dem Sebastian Vettel a konnt sou am Duell géint de 4-fache Weltmeeschter seng Plaz zréckgewannen. Un der Spëtzt sollt sech bis zum Schluss awer näischt méi änneren a sou gewënnt de Lewis Hamliton de Grousse Präis vu Singapur.

De Virsprong vum Brit op de Sebastian Vettel vergréissert sech soumat op 40 Punkten.



Freeë konnt sech mat Mercedes och den Dominique Riefstahl. De Lëtzebuerger schafft zanter 12 Joer fir Mercedes. Eng Ekipp vun RTL hat elo d'Chance, him bei senger Aarbecht iwwert d'Schëller ze kucken.

RTL-NEWS: VIDEO: Lëtzebuerger an der Formel 1: Dominique Riefstahl bei senger Aarbecht fir Mercedes

Är Commentairen - Netikett


D'Commentairë gi gelueden, ee Moment w.e.g.!
Sollte se net geluede ginn, hutt der wahrscheinlech een AdBlocker lafen, dee se blockéiert. Dir misst en da sou astellen, dass en eisen Site net méi komplett blockéiert.