Kiermes op der Girsterklaus (17.08.2025)

Nodeems e Samschdeg den Owend eng speziell Mass fir d'Muppe gehal gouf, wor et e Sonndeg um 10 Auer d'Houmass, déi am Mëttelpunkt stoung. De Paschtouer Luc Schreiner huet d'Mass, déi musikalesch duerch Chorale réunie Rouspert- Uesweiler verschéinert gouf, zelebréiert. Uschléissend goung d’Prozessioun  iwwer Feld a Flouer. Duerno wor e Wëllkomm op der Hieselterkiermes.  D'Klaus ass déi eelste Wallfaartskierch zu Lëtzebuerg. Zil ass ëmmer d'Muttergottes vun der Hieselterheck.