Bis Enn 2021 goufen haaptsächlech mat Päerd Therapien de Kanner, Jugendlecher an anere Leit ugebueden. Zanter Januar 2022 huet d’A.T.E. eng nei Plaz zu Monnerech fonnt. Hei si méi grouss Ställ an et ass allgemeng méi Plaz. Zanterhier ginn hei och Therapië mat Klengdéieren ewéi Kanéngercher, Mierschwéngercher oder Hénger proposéiert. Ronn 100 Patiente profitéieren all Woch vun dëser therapeutescher Hëllef. D’ASBL, déi vill op Donen ugewisen ass, brauch e Budget vu 400.000 Euro pro Joer.
Nieft geschoultem Personal kann d’ASBL A.T.E. och op Benevollen zréckgräifen.
