Dat huet hiren Institut e Mëttwoch via d’sozial Medie matgedeelt. Wéi et an engem Post op Instagram heescht, wier si en natierlechen Doud gestuerwen. Si wier den Ament vun hirem Doud fir eng Tour am US-Bundesstaat Kalifornien gewiescht.
D’Jane Goodall gouf virun allem duerch hir Fuerschung iwwer Schimpanse bekannt. Fir dës ze beobachten huet si 25 Joer laang mat hinnen zesummen am “Gombe Stream National Park” an Tansania gelieft. Si konnt ënner anerem noweisen, dass Schimpansen net nëmme Geschier benotzen, mee dëst och selwer hierstellen, wat als en Duerchbroch an der Erfuerschung vun de Mënschenafen ugesi gëtt.
Nodeems hir Beobachtung vun de Schimpansen eriwwer war, huet si sech ëffentlech fir den Erhalt vun de Liewensraim vun de Primaten agesat.
