Wéi d'Kölner Douane matdeelt, soll et sech ëm 55 Echsen a 37 Gëftschlaangen aus Mexiko handelen. De 45 Joer ale Mann, an deem sengem Bagage d'Déiere fonnt goufen, wier deemno bei enger Kontroll erwëscht ginn.
Well hien duerch säin nervööst Verhalen opgefall war, gouf bei him en Drogentest gemaach, bei deem Kokainkonsum festgestallt gouf. Doropshin ass säi Gepäck no Drogen duerchsicht ginn. Där goufen zwar keng fonnt, mee dofir sëllege lieweg Schlaangen an Echsen, déi a Shampoings- a Crèmefläsche verstoppt waren. E puer vun den Déiere wieren och a Strëmp fonnt ginn.
De Schmuggler huet uginn, d'Reptilie fir e Bekannte bei senger Rees an Däitschland matgeholl ze hunn. D'Schlaangen an Echse goufe vun engem Veterinär zu Köln iwwerholl a versuergt, ier se op eng Schlaangefarm bei Braunschweig bruecht goufen. Hei goufe se och zu engem groussen Deel als Gëftschlaangen identifizéiert.
Der Douane no hunn e puer vun den Déieren den Transport ouni Waasser an Iessen net iwwerlieft.
