D'Aarbechte ginn op dëser Plaz, wou scho méi laang Chantier war, weider. Dofir gëtt d'N5 tëscht Käerjeng a Schuller op der Héicht vun der Industriezon Bommelscheier a béid Richtunge gespaart, dat vum 4. September um 9 Auer bis den 6. September géint 22 Auer.
Ponts et Chaussées präziséiert dann och, datt d'Rue Bommel, iwwer déi een an d'Industriezon kënnt, scho méi fréi wäert zougemaach ginn. D'Deviatioun leeft vun Nidderkäerjeng aus iwwer den CR110 an CR111, also op Uewerkäerjeng, dann iwwer den CR101 op Héiweng a vun do aus iwwer den CR106 an d'N13 an de Rondpoint op Dippech respektiv, wann ee vun Dippech aus kënnt, den ëmgedréinte Wee.
