An Albanien sinn d’Leit e Sonndeg um sechsten Dag hannerteneen op d’Strooss gaangen an hu gefuerdert, datt de Regierungschef Edi Rama zerécktrëtt.
Am Ufank goung et ëm déi schlecht Conditiounen ënnert deenen déi Jonk musse studéieren an déi héich Aschreiwungsfraisen. An Tëschenzäit gëtt awer d’Demissioun vun der ganzer Regierung gefuerdert.
De Regierungschef huet an engem Video op Facebook kloergestallt, datt hien net zeréck trëtt. Wéi et e Sonndeg dunn zu de bis ewell schlëmmste Krawalle koum, huet d’Police Waasserkanounen an Tréinegas géint d’Demonstrante benotzt.
