De Verdächtege war ee Mann aus dem rietse Milieu, dee schonn am Joer 2020 gestuerwen ass, wéi de Parquet vun der bayrescher Haaptstad en Donneschdeg matgedeelt huet. Nei Ermëttlungsresultater géifen "däitlech fir eng Täterschaft" schwätzen - och wann de Fall wéinst dem Mann sengem Doud net ofschléissend kéint gekläert ginn.
Beim Ugrëff den 13. Februar 1970 ware siwe Leit ëm d'Liewe komm, déi den Holocaust iwwerlieft haten. Et war ee vun de schlëmmsten antisemitteschen Ugrëff an der Nokrichszäit an der Bundesrepublik. Den Täter konnt laang net identifizéiert ginn, esou datt de Generalbundesanwalt de Prozess am Joer 2017 agestallt huet. Viru kuerzem gouf et awer een neien Hiweis aus der Populatioun, huet et vum Parquet geheescht. Am Abrëll 2025 haten d'Ermëttler de Fall dowéinst nees opgeholl.
De presuméierten Täter war zum Zäitpunkt vun der Dot 25 Joer al. Zeien haten hien als Antisemitt mat "Hitler-Tick" beschriwwen. De Generalstaatsanwaltschaft huet allerdéngs drop higewisen, datt d'Presomption d'innocence och nom Doud gëllt. Et wier net méiglech, e Prozess géint eng verstuerwe Persoun ze féieren. Och wier net sécher, ob de Verdächtegen eleng oder als Deel vun enger Grupp agéiert hätt.
