De fréiere bosnesch-serbesche Militärchef a verurteelte Krichsverbriecher Ratko Mladic ass am Alter vun 84 Joer an engem Prisongsspidol zu Den Haag gestuerwen. Dat mellt en Donneschdeg de Mëtteg de serbesche Staatsradio RTS. De Berichter soll de Mladic an de leschte Wochen e puer Mol en Hiereschlag gemaach hunn.
De Mladic gouf wéinst senger Roll am Bosnien-Krich als "Schlächter vu Srebrenica" bekannt. Hie gouf vum Internationale Strofgeriichtshaff fir d'Verbriechen am fréiere Jugoslawien ënner anerem wéinst Genozid, Krichsverbriechen a Verbrieche géint d'Mënschlechkeet verurteelt.
Besonnesch mam Massaker vu Srebrenica am Juli 1995 gëtt säin Numm verbonnen. Dobäi goufen iwwer 8.000 bosnesch-muslimesch Männer a Jongen ëmbruecht. D'Massaker gëllt als déi schlëmmst Dot op europäeschem Buedem zanter dem Zweete Weltkrich.
