Si hunn d'Barriär eropgehuewen a si weidergefuer ouni ze bezuelen: Eng brittesch Famill huet a Frankräich méintlaang kee Peage op den Autobunne bezuelt. Elo ass hiren Trick op enger Peage-Statioun am Oste vum Land opgeflunn, heescht et vun der zoustänneger Police en Dënschdeg.
D'Bedreiwer vun der A36 a Frankräich haten d'Police e Samschdeg wéinst engem méigleche Bedruch op d'Peage-Statioun an der Géigend vu Belfort net wäit vun der Schwäizer Grenz geruff. Un der nächster Peage-Statioun wier dann een aus dem Auto erausgeklommen an hätt d'Barriär eropgehuewen, fir dräi Autoen duerchzeloossen. Da wier en erëm an den Auto geklommen an, esou déi lokal Gendarmerie der Noriichtenagence AFP géigeniwwer. D'Beamten hunn d'Famill doropshin ugehalen.
D'Leit an den Autoen hunn all zu der nämmlechter Famill gehéiert. Engem Tëleesreportage no huet déi brittesch Famill op déi Manéier schonn zanter Méint evitéiert, Peage ze bezuelen. Der Police no hu si de Peage an Héicht vun 3.000 Euro, deen nach op stoung, nach den nämmlechten Dag bezuelt.
