De Ron DeSantis ass Gouverneur vum US-Bundesstaat Florida. Ewéi hien am Mee zejoert annoncéiert hat, bei de Virwalen, fir Kandidat vun der republikanescher Partei, bei den US-Presidentiellen ze ginn, unzetrieden, hate vill Analysten him héich Chance ginn.
Ma no den éischte Virwalen am Iowa gesäit alles anescht aus. Den Donald Trump hat hei mat 51 % vun de Stëmme gewonnen. Den DeSantis krut dogéint nëmmen 21% vun de Wieler vu sech iwwerzeegt. Dat obwuel hien am Virfeld an allen 99 Walbezierker Walkampf gemaach hat.
E Sonndeg huet de Ron DeSantis d’Konsequenz aus dëser Néierlag gezunn. An engem Video op X huet hie seng Campagne fir clôturéiert erkläert.
Lescht Konkurrenz fir den Trump bleift d’Nicky Haley. Déi fréier UNO-Ambassadrice läit awer däitlech hannert dem Ex-President. En Dënschdeg sinn déi zweet Virwalen vun de Republikaner, dat am US-Staat New Hampshire.
