Eestëmmeg ass de Vott ausgefall vun den net gewielte Membere vun der Assemblée législative du peuple ALP, déi zanter 2022 Deel vum Parlament ass. D'Doudesstrof gëtt am Burkina Faso, deen zanter bal véier Joer vun enger Junta dirigéiert gëtt, erëm agefouert. De Leader Ibrahim Traoré hat Enn 2025 déi entspriechend Pläng annoncéiert gehat.
Duerch déi Reform soll déi ëffentlech Uerdnung verstäerkt an d'Sécherheet vun de Bierger garantéiert ginn, sou de Justizminister an engem Message op de Soziale Medien. Bestrooft géifen ënnert anerem terroristesch Akten, Spionage, Landesverrot an d'Importéiere vun verbuedene Produiten, déi déidlech Suitte kënnen ausléisen. Réischt 2018 war d'Doudesstrof am westafrikanesche Land ofgeschaaft ginn.
