De Kreml huet confirméiert, datt de CIA-Direkter John Ratcliffe fir "Kontakter tëscht de Geheimdéngschter" op Moskau gereest ass. Iwwert de Contenu vun de Gespréicher huet den Dimitri Peskow sech awer net geäussert.
En Dënschdeg nach hat de Kreml behaapt, et géif een näischt iwwert d'Landung vun engem amerikanesche Militärfliger an der russescher Haaptstad wëssen. Verschidde Kommentatoren a Russland hu sech doriwwer lëschteg gemaach, well Biller vum Fliger op de soziale Reseauen zirkuléiert sinn. D'Fro koum op, wéi esou reng riseg Maschinn mam CIA-Chef u Bord ouni d'Wësse vum Staatschef einfach esou konnt a Russland landen.
Et dierft déi éischt Visitt vun engem CIA-Chef zu Moskau zanter 2021 sinn. Do hat de fréieren CIA-Chef William Burns Russland besicht. Am Optrag vum US-President Joe Biden sollt hien eng Eskalatioun vum Ukrain-Konflikt verhënneren.
