De verstuerwene Kinnek Harald V. wier "senge Wäerter a senge Flichten ëmmer trei bliwwen", sot den Haakon e Samschdeg a senger Usprooch, déi op der Tëlee iwwerdroe gouf. Et géing "Trouscht a Kraaft" ginn, "datt sou der esou vill zesumme mat eis traueren".
Sichtlech emotional huet hie betount, datt säi Papp a seng Mamm, d'Kinnigin Sonja, e Samschdeg hiren 58. Hochzäitsdag gefeiert hätten. "Alles Guddes zum Hochzäitsdag, léif Mama", sot hien, wärend hie mat den Tréine gekämpft huet.
A senger Ried huet den neie Kinnek dovu geschwat, datt eng "grouss Aufgab" virun him léich. Säi Papp hätt ëmmer dorun erënnert, "datt jidderee vun eis säin eegene Wee goe muss". "Ech sinn elo un der Rei."
Den Harald V. war e Freideg de Moien am Uni-Spidol vun Oslo am Alter vun 89 Joer gestuerwen. Den neie Kinnek soll nächsten Dënschdeg virum Parlament en Eed op d'Verfassung ofleeën. Gekréint ginn den Haakon VIII. a seng Fra, d'Kinnigin Mette-Marit net - Norwegen huet déi entspriechend Zeremonie 1908 ofgeschaaft.
