Trotz neien diplomatesche Beméiung fir en Enn vum Krich, mellt d'Ukrain op en Neits Doudesaffer bei russeschen Attacken.
An der Regioun Sumy am Nordoste vum Land wier den Autoritéiten no an der Nuecht op en Donneschdeg e Mann gestuerwen. Iwwerdeems wier zu Charkiw eng Fra ëm d'Liewe komm, zu Saporischschja wieren dräi an an der Regioun Donezk zwou weider Persoune gestuerwen.
Och d'ukrainesch Haaptstad Kiew gouf op en Neits vu russeschen Attacke getraff. De Buergemeeschter Vitali Klitschko huet op de soziale Medie matgedeelt, dass 15 Persoune blesséiert gi wieren.
Iwwerdeems mellt Russland dann ukrainesch Attacken. Dem Verdeedegungsministère no hätt een an der Nuecht op en Donneschdeg 808 ukrainesch Dronen ofgefaangen, vun deenen der 163 um Wee op Moskau gewiescht wieren.
