Déi wichtegst Stroosse an der Milliounestad stinn nom Stuerm vun e Mëttwoch ënner Waasser. "Beem a Stroumleitunge sinn ëmgefall an zéngdausenden Awunner sinn ouni Stroum", sou d'Buergermeeschterin vun Toronto Olivia Chow.
Hefteg Wiederextreemer sinn zu Toronto ongewéinlech, ma e Mëttwoch war bannent e puer Stonnen esou vill Reen erofkomm wéi soss am Duerchschnëtt de ganze Mount September. "Dat nennt ee Joerhonnertstuerm", erkläert de Generaldirekter fir Déngschtleeschtungen an der Stad, de Paul Johnson. D'Wandstéiss hate bis zu 84 Stonnekilometer erreecht. E Stadion mat Plaz fir 50.000 Leit gouf beschiedegt an de Loftverkéier war e Mëttwoch den Owend gestéiert.
