En Donneschdeg gouf de Kontrakt vun 367 Milliounen Euro vum grénge Verdeedegungsminister François Bausch ënnerschriwwen. D’Acquisitioun vun den 80 Gefierer kascht eleng 226 Milliounen Euro.
De Rescht vun der Zomm ass virgesinn, fir d’Maintenance iwwert déi nächst 15 Joer ze garantéieren. Dozou zielt zum Beispill e reegelméissegen Update vun de Computerprogrammer.
D’Gefierer wäerten an der Schwäiz hiergestallt ginn. Bis awer déi éischt 10 geliwwert ginn, dauert nach gutt 2 Joer.
