Eleng am Zäitraum vum 13. bis den 20. August goufe weider 163 Déiere positiv getest an d’Kränkt gouf an 79 weidere Betriber nogewisen. Den Zuele vum Landwirtschaftsministère no hu sech bannent deem Zäitraum vun enger Woch domadder bal esou vill Déieren nei infizéiert, wéi an den zwou Woche virdrun.
Am Fall, wou an engem Betrib eng méi héich Mortalitéit constatéiert gëtt, soll dat der ALVA gemellt ginn, heescht et vun der Verwaltung.
A punkto Symptomer kréien d’Déieren ënner anerem Féiwer an eng blo Zong. D’Krankheet geet dacks déidlech aus. Zënter dem 9. August leeft eng Impfcampagne. Fir de Mënsch besteet keng Gefor.
