Wéi d’Police mellt, sinn de Weekend am Kader vun enger Vitesskontroll eng Rei Permisen agezu ginn. Op der A7 vu Miersch a Richtung Ettelbréck waren tëscht 16 an 18 Auer e Sonndeg dräi Gefierer, jeeweils mat 209 km/h, 201 km/h a mat 211 km/, amplaz vun den erlaabten 130 km/h ënnerwee. Donieft goufen op der selwechter Streck 15 Verwarnungen an Héicht vun 145 Euro an 2 Punkten ausgestallt, fir Chaufferen, déi mat iwwer 155 km/h gefuer waren.
E Sonndeg den Owend hunn iwwerdeems zwou alkoholiséiert Fraen hire Fürerschäin ofgeholl kritt. Déi eng Fuererin war a Schlaangelinnen a Richtung Nidderdonwen ënnerwee an an der Veianer Strooss zu Tandel huet d’Chauffesch eng liicht Kollisioun mat engem aneren Auto verursaacht.
