Wéi et am Koalitiounsaccord festgehalen ass, gëtt aktuell am Inneministère un engem Gesetzesprojet geschafft, deen d’Versammlungsrecht an d’Dispositioune fir ëffentlech Manifestatioune festleet.
Am Tageblatt gouf deen Avant-Projet de Loi e Méindeg schaarf kritiséiert a vun engem problemateschen Text geschwat, deen ze vill Sputt fir Interpretatioune géif loossen. Rieds geet vun enger Law-and-Order-Politik, déi d’Versammlungsfräiheet géif ënner Drock setzen a Limitatiounen am Numm vun der Uerdnung wéilt duerchsetzen.
Den Inneminister Léon Gloden widdersprécht dëser Duerstellung an engem Schreiwes zum Deel a seet, datt de betraffenen Tageblatt-Journalist op engem Avant -Projet de Loi geschafft hätt, deen de fréiere grénge Policeminister Henri Kox ausgeschafft hätt. Aktuell géif am Inneministère un engem komplett neien Text geschafft ginn. Dëse soll och enger Chamber-Motioun vun 2021 Rechnung droen, déi no de Covid-Maniffe gefrot hat, datt de Sécherheetsdispositif bei Manifestatiounen op der Strooss soll iwwerschafft ginn.
