Den JobBoard vun der ADEM ass zanter e Mëttwoch offline, nodeems e Sécherheetsincident um Internetsite festgestallt gouf. D’ADEM, de CTIE a GOVCERT.LU analyséieren den Ament, wat genee geschitt ass a wéi grouss den Impakt ass.
Bis de JobBoard nees funktionéiert, kënnen Aarbechtssichender op den EURES-Portal zeréckgräifen. D'Meldung vun neien Aarbechtsplaze funktionéiert weider normal. Den direkten Accès vun den Entreprisen op d'Profiller vu Kandidaten ass den Ament allerdéngs net méiglech.
D’ADEM huet Plainte géint Onbekannt gemaach.
