Eng Demenzdiagnos verännert d’Liewen – fir de betraffene Mënsch, mee och fir seng Famill a säin Ëmfeld. Vill Froen, Onsécherheeten an nei Erausfuerderunge kënnen do opkommen.
Mee et ass een net eleng.
De Begleedungs- a Berodungsdéngscht vun der Associatioun Lëtzebuerg Alzheimer steet engem zur Säit – mat kompetenter Berodung, individueller Ënnerstëtzung a konkrete Léisungen, ugepasst un d‘Situatioun.
D‘ALA begleet de Mënsch mat Demenz a säin Ëmfeld, fir datt een esou laang wéi méiglech aktiv bleift an d'Liewen no senge Besoinen a Wënsch ka gestalten.
Associatioun Lëtzebuerg Alzheimer.
Fir e méi selbstbestëmmt Liewen trotz Demenz.
Méi Informatioune fënnt een op alzheimer.lu
