Den Escher Resistenzmusée luet Iech an d‘Ausstellung „Idée de paix“ kucken ze kommen, déi am Kader vun der europäescher Kulturhaaptstad Esch2022 bis de 14.August am Musée gewise gëtt. Baséierend op de Wierker vum Belschen Expressionist a Pazifist Frans Masereel, schwätzt dës Ausstellung Themen u wéi Krich a seng Konsequenzen op d’Zivilbevëlkerung, Verletzunge vu Mënscherechter a Flucht, awer och d‘Hoffnung op Fridden.
De Musée ass op vun Dënschdes bis Sonndes, vun moies 10 bis owes 6 an Donneschdes ass eng Nocturne bis hallwer 8.
De Programm mat Konferenzen, Table-ronden, Atelieren, a Visitten fannt Dir op eisem Site www.mnr.lu.
