Mat der Initiativ „Heures silencieuses“ wëll de Familljeministère de Besuch am Geschäft fir sensibel Persoune méi agreabel maachen.
D’Zil ass et, sensorësch Reizer ze reduzéieren an eng méi roueg Atmosphär beim Akafen ze schafen. Als engagéierten Acteur ënnerstëtzt Cactus dës Approche a setzt sech fir eng méi inklusiv Akafserfarung an.
Konkret bedeit dat, dass wärend bestëmmten Zäiträim Luuchte gedimmt, Musek a Schiermer ausgeschalt ginn, fir de Confort vun de Clienten ze erhéijen.
Eng Mesure, déi jidderengem Méiglechkeet gëtt ouni Stress akafen ze goen.
