Beim internationale Concours Meininger’s Finest Beer Selection goufen direkt 3 Béiere vun der Brasserie Nationale ausgezeechent. De Concours ass ee vun den usprochsvollsten an der Brau-Branche. De Bofferding Pils a Battin Gambrinus goufe mat 90 a Bofferding ouni Alkohol mat 91 Punkten ausgezeechent, wat op op dësem internationale Concours mat honnerte vu Béieren en exzellente Score ass.
Eng International Jury bewäert hei blann d’Ausgesinn, den Aroma a Geschmaach an den allgemengen Androck. Eng ganz gutt Neiegkeet fir d’Equipe vun der Brasserie Nationale an hir Braumeeschteren.
