En ass bis den 31. Oktober nach mat op an dat riicht duerch, dat heescht och Weekends a Feierdeeg kann een an de Päiperlecksgaart goen.
An enger faarweger Planzewelt fléien sëlleg tropesch Päiperleken duerch d’Gewächshaus a suerge fir roueg an onvergiesslech Momenter fir déi ganz Famill.
Nei an dëser Saison sinn eng Seechomessekolonie am klenge Gewächshaus an de renovéierten Elefant „Valentin“ virum Gaart.
Informatiounspanneauen an e gratis Audio-Guide komplettéieren de Besuch.
An nieft dem Gaart sinn natierlech och de beléifte Shop an d’Brasserie fir e gudde Maufel do. De Päiperlecksgaart ass ee vun 8 Ateliere fir professionell Inklusioun vun der Yolande Coop. An am Shop ginn dann och flott Artikele vun aneren Ateliere verkaaft.
Ticketen am beschten online op papillons.lu reservéieren.
