D'Lëtzebuerger Sportswelt trauert ëm den Alex Kapp. De "Kappe Lex" ass en Dënschdeg am Alter vun 69 Joer* verstuerwen.

Hie war ënnert dem Futtballnationaltrainer Paul Philipp Deel vum Staff an deemools och Trainer vun der Lëtzebuerger U21.

Den Alex Kapp hat 1989 ee Sportsgeschäft gegrënnt, dat bis haut am Lëtzebuerger Land zu den Traditiounsbutteker gehéiert.

D'RTL-Redaktioun dréckt der Famill hiert Bäileed aus.

*An enger éischter Versioun hate mer den Alter vun 68 Joer uginn.