An der “Best-of-7"-Serie tëscht den Oklahoma City Thunder an den Indiana Pacers steet et 3:3 gläich, dat nodeems Indiana sech an der Nuecht op e Freideg mat 108:91 duerchsetze konnt. D’Entscheedung fält domat an der Nuecht op e Méindeg, de Favorit Oklahoma huet Heemvirdeel.
Los Angeles Lakers fir 10 Milliarden Dollar verkaf
Déi lescht Deeg stoung eng weider Nouvelle aus der NBA am Fokus. Den Entrepreneur Mark Walter soll Haaptproprietär vum legendäre Club Los Angeles Lakers ginn, dofir leet hie ronn 10 Milliarden Dollar op den Dësch, eng nei Rekordzomm fir e Sportveräin an den USA.
