D’Marie Schreiber huet hir aktuell gutt Form e Mëttwoch op en Neits ënner Beweis gestallt. No der 10. Plaz op der Cyclocross-WM de leschte Samschdeg konnt si sech um Exact Cross zu Maldegem an der Géigend vu Bruges duerchsetzen.
D’Lëtzebuerger Championne hat op der Arrivée eng Avance vun 2 Sekonnen op déi hollännesch Europameeschterin Inge Van der Heijden an. Mat engem Retard vu 4 Sekonne koum déi franséisch Welt-Cup-Gewënnerin Amandine Fouquenet op déi 3. Plaz.
