De Matthew Brennan huet e Sonndeg déi zweet Etapp vun der Vuelta gewonnen. No enger hektescher Schlussphas mat enger Rei Attacken ass et um Enn zum Sprint komm an do hat de Britt déi séierste Been. Hien huet sech virum Pau Miquel an dem Tadej Pogacar duerchgesat.

Am General bleift den Tadej Pogacar a Rout. Duerch d'Bonificatiounen huet hie seng Avance ausgebaut a läit elo néng Sekonne virum Wout van Aert an zéng Sekonne virum Matthew Brennan.

De Mats Wenzel ass als 89. op 41 Sekonnen ukomm. Den Arthur Kluckers hat als 173. e Réckstand vu fënnef Minutten a fir den Alex Kirsch war et d'Plaz 182 op iwwer 16 Minutten. Am General sinn et fir d'Lëtzebuerger Wenzel, Kluckers a Kirsch d'Plaze 87, 170 an 182.

D'Vuelta 2026 a Biller

1. Etapp: Tadej Pogacar kritt vum Prënz Albert vu Monaco zur Victoire gratuléiert © AFP

1. Etapp: De Lëtzebuerger Mats Wenzel am Asaz © AFP

1. Etapp: De Christophe Laporte © AFP

1. Etapp: Den Enric Mas © AFP

1. Etapp: Den Alex Kirsch wärend dem Zäitfueren © AFP

1. Etapp: De séierste Mann vum Dag Tadej Pogacar © AFP

1. Etapp: Den Tadej Pogacar fir d'éischte Kéier a senger Karriär am Leadertricot vun der Vuelta © AFP

Vuelta 2026 (22.8.26 - 13.9.26)

The photos published on this site are subject to copyright and may not be copied, modified, or sold without the prior permission of the owner of the site in question.