E Mëttwoch huet den Alexander Davies déi éischt fënnef Ronne vun der U21-WM am Karate souverän iwwerstanen a sech am entscheedende Match géint den Chérif Tadjer aus Frankräich fir d'Finall e Sonndeg qualifizéiert. Do trëfft hien an der Kategorie +84kg op den Ivan Kudzinau aus Belarus.
Mam Jordan Sibille war ee weidere Lëtzebuerger bei der U21-WM am Asaz. Bei senger éischter grousser Competitioun an der Kategorie -75kg konnt hien sech um Enn op Plaz siwe klasséieren.
