Am 50-Meter-Baseng um Geesseknäppchen gouf et e Samschdeg en neien nationale Rekord am Schwammen. Op den 200 Meter Quatre nages ass d’Emma Barthel ee Chrono vun 2:20.89 geschwommen an huet domat den nationale Rekord vun der Monique Olivier gebrach, dee virun zéng Joer opgestallt gouf.
Mat där Zäit huet d’Emma Barthel donieft och d’Qualifikatiouns-Norm fir d’EM 2026 zu Paräis gepackt.
