E Schwan sollt sech bei de Schinnen am Beräich vun der Muselbréck zu Konz ophalen. Wéi et geheescht huet, wier e wuel vun engem Zuch erfaasst ginn.
Op der Plaz hunn d’Polizisten effektiv e Schwan entdeckt. Schro blesséiert war en net, hie gouf wuel just liicht vun engem Zuch beréiert an hat e bëssen den Tommel. D’Beamte si beim Déier bliwwen, bis et sech nees erholl hat.
De Schwan gouf duerno um Ufer vun der Musel nees fräigelooss, ass an d’Waasser gesprongen a fortgeschwommen.
