Wéi BFMTV en Donneschdeg mellt, hätt ee vum Parquet vu Metz confirméiert kritt, datt bei dësem Accident eng zweet Persoun ëm d'Liewe koum. "Duerch d'Elementer, déi an der Zon vum Accident entdeckt goufen, kënnen zwee Decèse confirméiert ginn", gëtt de Parquet zitéiert. Elo missten nach DNA-Analysen duerchgefouert ginn, fir dësen zweeten Doudegen z'identifizéieren.
De Fliger war en Dënschdeg den Owend wärend engem Trainingsfluch bei Rogéville an der Géigend vun Nanzeg erofgefall. Am Fliger souzen zwou Persounen, dorënner en erfuerenen Offizéier an e jonke Pilot an der Ausbildung.
