De Physik-Nobelpräis geet dëst Joer un de belschen Astrophysiker Francis Halzen. De Wëssenschaftler gëtt fir seng "decisiv Bäiträg" zum IceCube-Neutrinoobservatorium, souwéi fir d'Decouverte vun Héichenergie-Neutrinoe vun astrophysikalescher Hierkonft geéiert. Sou huet den Nobel-Kommitee d'Auszeechnung vum 82 Joer ale Wëssenschaftler en Dënschdeg de Moien zu Stockholm begrënnt.
De Physik-Nobelpräis ass dëst Joer mat engem Präisgeld vun 12 Millioune schweedesche Krounen dotéiert, wat ëmgerechent ronn eng Millioun Euro ass.
E Méindeg ass fir den Optakt de Medezin-Nobelpräis un zwee däitsch an een US-amerikanesche Fuerscher wéinst hirer Aarbecht an der Optogenetik gaangen.
