Wéi et heescht, bräicht eleng den CHL nach eng 500 esou Masken, fir un d’Personal ze verdeelen.
Deen, deen esou Maske ka mam 3D-Drucker produzéieren, soll sech och an engem entspriechende Facebook-Grupp mellen.
Mëttlerweil hu sech iwwer 200 Fräiwëlleger gemellt, ze hëllefen. Wann néideg kann een elo iwwer 1.000 esou Protektiounsmasken den Dag produzéieren.
Dropbox: Dateien eroflueden, fir Masken ze printen
D’Hôpitaux Robert Schuman maachen dann och en Opruff, dass si nach dringend Wegwerf-Schippen/Kiddele brauchen.
Fir den Zentrum:
De Lycée des Arts et Métiers an der Stad huet dann eng Drop Off-Box ageriicht, an déi d’Leit déi gedréckten Deeler kënnen an eng Këscht leeën. D’Adress ass: Lycée des Arts et Métiers 19, rue Guillaume Schneider L-2522 Luxembourg. D’Këschte stinn ënner Daach bei der Entrée vum Ateliersgebai.
Fir de Süden:
D’Leit kënnen hiert Material tëschent 8 Auer a 16 Auer an der Receptioun vum Lycée Guillaume Kroll zu Esch ofginn. D’Adress: Lycée Guillaume Krol 32, Rue Henri Koch, 4354 Esch-sur-Alzette.
RTL-Artikel: Eng Mask ass een zousätzleche Schutz géint de Coronavirus
RTL-Artikel: Esou kann ee sech seng eege Protektiouns-Mask bastelen
