Dës Course wäert allerdéngs an d’Geschicht agoen, als déi mat der mannster Ambiance, well dat wat déi Course ausgemaach huet bis elo, waren ëmmer déi dausenden Zuschauer laanscht d’Streck. Déi sinn dacks schonn eng Woch virdrun ugereest, an hunn dann op de Campingen oder Zuschauerplazen iwwernuecht, hu sech do ageriicht, gegrillt an einfach eng flott Zäit do verbruecht.
Dat ass dëst Joer net méiglech. Wéinst de Corona-Restriktiounen däerfe just Zuschauer op d’Tribünen op der Grand-Prix-Streck, an dat och just wärend gewëssen Auerzäiten. Do kënnt also kaum déi selwecht Stëmmung op. D’Course gëtt allerdéngs, wéi déi Jore virdrun och, komplett am Livestream iwwerdroen.
De Coronavirus huet och nach via en anere Wee zougeschloen... sou huet Porsche z.B. 9 vu senge Wierkspiloten zeréckgezunn, well 3 Leit wärend der 24-Stonne-Course zu Le Mans positiv getest goufen. Dowéinst hu vill Teams sech aner Pilote fir op hir Autoe musse sichen, a Manthey-Racing huet z.B. ee vun de Favoritten op d’Gesamtvictoire, de sougenannte “Grello” zeréckgezunn, e grell-gielgrénge Porsche 911 GT3 R.
Nieft den Equipagen mat Wierkspiloten, déi ëm d’Gesamtvictoire fuere wäerten, sinn awer och dëst Joer nees e sëllege Pilote mat Lëtzebuerger Lizenz um Depart.
| Startnummer | Kategorie | Team | Piloten | Auto |
| 35 | SP-Pro | BLACK FALCON Team IDENTICA | Rivas Carlos | Porsche 911 GT3 Cup MR |
| 63 | SP-7 | RPM Racing | Wilwert Bob Kodidek Milan van Ramshorst Marco Cools Kris | Porsche 991 Cup |
| 86 | SP 4T | Köppen Motorsport | Munhowen Yann Pier Alain Cate Peter Köppen Alexander | Porsche Cayman 718 GTS |
| 301 | CUP 3 | Team Mathol Racing e.V. | Bohr Daniel Brooks Steve Schicht Rüdiger “Montana” | Porsche Cayman 718 GT4 CS |
| 302 | CUP 3 | W&S Motorsport GmbH | Carcone Sébastien Vöhringer Jürgen Dolfen Heinz Berwanger Kim | Porsche Cayman 981 GT4 CS |
| 320 | AT | Four Motors Bioconcept-Car | Kauffman Charles Smudo Kiefer Thomas von Löwis of Menar Thomas | Porsche 991 GT3 Cup 2 |
Nom Qualifying koume folgend Startplaze fir d’Equipagen eraus, mat Pilote mat Lëtzebuerger Lizenz:Plaz 30: Carlos Rivas
Plaz 40: Bob Wilwert
Plaz 44: Charles Kauffman
Plaz 47: Daniel Bohr
Plaz 60: Yann Munhowen / Alain Pier
Plaz 68: Sébastien Carcone
