101 Autoe ware gemellt, awer nëmmen 71 hunn et och bis an de Parc Fermé um Enn vum Rallye gepackt. Ënnert den Ausfäll war leider och de Lëtzebuerger Equipage Max Schiltz / Patricia Wanderscheid op Renault Clio RS. E futtisse Cardan huet hinnen e Stréch duerch d’Rechnung gemaach a si haten domat fréizäiteg Feierowend.Vill besser gelaf ass et dogéint fir de Bob Kellen an d’Nathalie Hoffmann um Ford Escort MK2. De Bob huet dem Auto fir dës Saison en neie Motor spendéiert, wat sech och an de Resultater erëmspigelt. Nieft enger Biergcourse an engem Rallye war dëst eréischt den drëtten Event, bei deem hie mam neie Motor gefuer ass. Lues awer sécher gewinnt hie sech ëmmer besser un déi nei Paddle-Shift-Schaltung, déi a Kombinatioun mat der sequentieller Boite an dem neie Motor gutt harmonéiert. Dat sollt sech dann um Rallye Sprint an der Belsch fir d’éischte Kéier sou richteg bezuelt maachen, well um Enn ass et eng exzellent 3. Plaz am General.Méi séier ware just d’Melissa Debackere / Marlon Krieger op engem Skoda Fabia R5, an den Englänner Frank Kelly mat sengem belsche Copilot Louis Louka, och op engem Ford Escort MK2.
| 1. | Debackere Melissa - Krieger Marlon | Škoda Fabia R5 | 24:01.90 | |
| 2. | Kelly Frank - Louka Louis | Ford Escort MK2 | 24:52.20 | +50.30 |
| 3. | Kellen Bob - Hoffmann Nathalie | Ford Escort MK2 | 25:40.73 | +1:38.83 |
| 4. | Radoux Jean-Philippe - Forclaz François | Mitsubishi Lancer Evo X R4 | 25:43.29 | +1:41.39 |
| 5. | Jacob Christophe - Sterckx Maude | Ford Escort RS 1800 MKII | 26:02.11 | +2:00.21 |
| 6. | Marique Eddy - Lesire Emmanuelle | Opel Astra GSi 16V | 26:40.17 | +2:38.27 |
| 7. | Soyeurt Sébastien - Aneuse Jennifer | Renault Clio RS | 26:41.32 | +2:39.42 |
| 8. | Page Hugo - Gibon Julien | Peugeot 306 | 26:41.87 | +2:39.97 |
| 9. | Debaere Xavier - Lemahieu Peter | BMW E36 Compact | 26:53.54 | +2:51.64 |
| 10. | Rensonnet Tom - Herman Renaud | Peugeot 208 Rally4 | 26:54.52 | +2:52.62 |
