No de Coursse vun der Moto3 a Moto2 gouf och de MotoGP-Grand-Prix op Phillip Island an Australien e Sonndeg de Moie fréi Lëtzebuerger Zäit ofgesot. De Grond dofir war de ville Reen an déi doduerch entstane schlecht Siichtverhältnisser. Et sollt déi lescht MotoGP-Course um Circuit sinn.
Fir sech vun der traditiounsräicher Rennstreck ze verabschiden, sinn d'MotoGP-Piloten awer nach eng Ronn hannert dem Safety Car gefuer. Duerno si se op der Start-Zil-Linn stoe bleiwen, fir de Fans Merci ze soen.
Besonnesch batter war dës Annulatioun fir den Australier Jack Miller, deem säi leschten Heem-Grand-Prix an der Kinneksklass domat wuertwiertlech an d'Waasser gefall ass. Seng Yamaha M1 mat enger spezieller giel-grénger Lackéierung konnt hien awer trotzdeem nach presentéieren: bei der Abschidsronn, déi d'Piloten hannert dem Safety Car gefuer sinn.
Véier Coursse bleiwen elo nach bis un d'Enn vun der Saison ze fueren. Am WM-Klassement läit de Marc Marquez 10 Punkte virum Jorge Martin.
