De Kevin Peters behaapt sech um Circuit zu Toldijk géint de Fransous Thomas Christol an den Andrei Maxian aus Moldawien.
Bal hätt nach en zweete Lëtzebuerger mat um Podium gestanen, dat a Persoun vum Kenny Reding. Hie konnt sech de ganze Weekend iwwer Laf fir Laf verbesseren a kënnt an der Finall op déi gutt 4. Plaz.
Domat awer net genuch... op Plaz 7 steet mam Ferdinand Gengler e weidere Lëtzebuerger. Deemno schéint d’Streck an Holland de Lëtzebuerger gutt ze leien.
| Pos. | Nr. | Name | Land | Fahrzeug / Motor | Zeit | Differenz | Punkten |
| 1 | 102 | PETERS Kevin | LUX | GRR Racing | 4:21.692 | - | 34 |
| 2 | 107 | CHRISTOL Thomas | FRA | Camotos RC4 | 4:23.521 | 01.829 | 30 |
| 3 | 109 | MAXIAN Andrei | MDA | F&S Chassis | 4:28.793 | 07.101 | 25 |
| 4 | 111 | REDING Kenny | LUX | Peters | 4:30.047 | 08.355 | 21 |
| 5 | 142 | BOSCH Johnny | BEL | P.A.S. | 4:31.094 | 09.402 | 16 |
| 6 | 119 | HARTMAN Filip | CZE | Hartman Evo3 | 4:31.628 | 09.936 | 15 |
| 7 | 127 | GENGLER Ferdinand | LUX | Peters Autosport | 4:31.968 | 10.276 | 14 |
| 8 | 116 | VAN LIPZIG Ingo | NLD | Fast & Speed | 4:41.376 | 19.684 | 13 |
| 9 | 108 | STRAUB Thomas | DEU | PAS Autosport | 3:12.060 | 2 Laps | 12 |
| 10 | 140 | POELARENDS Jimmy | NLD | Assink Buggy | 4:31.995 | 2 Laps | 15 |
An der Europameeschterschaft mécht de Kevin Peters e wichtege Schrëtt Richtung Titel. Den zweeten am EM-Klassement, de Markus Wibbeler koum an Holland nämlech just op Plaz 15 an den Drëtten am Klassement, de Stijn Jaspers ass an Holland just den 20. ginn.
De Kevin Peters huet elo 186 Punkten. Neien Zweeten ass den Thomas Christol mat 135 Punkten, virum Markus Wibbeler mat 130 Punkten.
